बा को छोरो म..

लैनु गाईको दुध, घिउ खा'को छोरो म

कैले काख, कैले काँध पा'को छोरो म…

आमा मेरा पोल खोल्थिन, लुक्न खोज्थेँ म

उल्टै आमा सम्झाइदिने बा को छोरो म

कैले काख, कैले काँध पा'को छोरो म ।।  

झोला बोकी स्कुल पढ्न गा'को छोरो म

सफा जुत्ता, टाइ, ड्रेस ला'को छोरो म

एक काँधमा हलो बोक्थे, मलाई किताब भारी

अर्को काँधमा मलाई बोक्ने बा को छोरो म

कैले काख, कैले काँध पा'को छोरो म ।।

चकचके थेँ, दुईचार झापु खा'को छोरो म

असल बन्न सम्झाउनु भा'को छोरो म

बा ले पिटे, आमासँग रोइदिन्थे म 

फकाएरै रुवाइदिने बा को छोरो म

कैले काख, कैले काँध पा'को छोरो म ।।

हेर्दाहेर्दै कती ठुलो भा'को छोरो म

देशबिदेश दिशा चार - घुम्न पा'को छोरो म

मलाई आफ्नै चिन्ता, चल्छ द्रब्य दौड

'चिन्ता नली म छु,' भन्ने बा को छोरो म

कैले काख, कैले काँध पा'को छोरो म ।।

सुरेश 'समान'