The राशीफल (२०७१ को )

मेष (चु, चे, चो, ला, लि, लु, ले, लो, अ):

मेष राशी हुनेहरुले यो ७१ सालमा आफ्नो केशको बिशेष ध्यान दिनुहोला। कुम्भ रासी हुनेले असार महिना तिर भुत्ल्याउने प्रबल सम्भावना छ। दुविधा बड्न सक्छ आइफोन कि स्याम्सङ्? जुन महङ्गो छ त्यही लिए सन्तुस्टी मिल्नेछ।  

वृष (इ, उ, ए, ओ, वा, वि, वु, वे, वो):     

वृष राशी हुनेहरुका लागि यो बर्ष चै डि.भी. पर्नसक्छ। सेकेण्ड लेटेर नआउन्जेल धेरै फुर्ती नदेखाउनुहोला। इन्टर्भ्यु दिन जाँदा दुई झोला सुन्तला, एक माना घिउ अनी एक झोला गुन्द्रुक नबिर्सी लानु बेस होला। विवाहको प्रस्ताव चारतिर बाट आउनेछन्। छ्क्क नपर्नु। एसएमएस पढ्नेबित्तिकै डिलिट गर्नुहोला यो बर्ष।

मिथुन (का, कि, कु, घ, ङ, छ, के, को, हा):

सुरुमा शत्रु बढ्नेछन्। पछी झनै बढ्नेछन। जीवनसाथीले मुद्दा हाल्नसक्छिन। त्यो भन्दा पहिल्यै सके बन्दै गर्नु, हैन भए फेसबुकको पासवर्ड चेन्ज गर्नु मनासीब होला। ऐना अगाडि उभिएर आफ्नै फोटो कती खिचेको? अली कम गर्नोस। मान्छेहरु वाक्क भै'सके। अनी रेस्टुराँमा घिच्न गा'की फोटा खिच्न गा? चन्द्रमा र सुर्यको प्रभावले अरुले जती जे सम्झाए पनि लास्टाँ आफुलाई लागेकै गर्नुहुनेछ।

कर्कट (हि, हु, हे, हो, डा, डि, डु, डे, डो):

कर्कट राशी हुनेहरुको यो बर्ष हुलासको कर्कट पाता जस्तै टलक्क टल्किने देखिन्छ। जोगिएर हिँड्नुभएन भने खिया लाग्न सक्छ। कपाल झर्ने समस्याले सताउन सक्छ। पिसेको अदुवा, मिचेको मेदीँ, घोलेको अण्डा आदीले यो बर्ष कपालको समस्या पार लाग्नेवाला छैन। फिनोलमा हार्पेक मिसाएर दिनको दुईपटक मजाले मट्टितेलले कपाल पखाले सदाको लागि टन्टै साफ हुने देखिन्छ।

सुत्रकथा (हरु)

लात..

उस्ले सुलेखालाई जोडले लात हान्यो, पेटमा । सुलेखा हलुका चल्मलाइन्, पेट सुम्सुम्याइन् । चुप लागेर बसिन्, कसैलाई भनिनन् । तर फेरी यस्तो भयो भने उस्ले भन्नै पर्छ । त्यतिकैमा फेरी अर्को लात आयो पेटमा - अझ जोडले । 'ठुलो भएर यो फुट्बल खेलाडी हुनेछ,' सुलेखाले पुक्क उठेको पेट फेरी सुम्सुम्याउँदै अनी मुस्कुराउँदै श्रीमानलाई भनिन्।

केही त गर्नै पर्‍यो..
म बसेँ । बसेर जिन्दगीको लेखाजोखा गर्न थालेँ । खाली भित्ताहरुमा आँखाहरु टोलाउँदथे । 'हैन, केही त गर्नै पर्‍यो, यसरी झोले भएर कती बाँच्नु ?,' आँफैले आँफैलाई सम्झाउँदथे । अनी निस्चय गरेँ जिन्दगीमा 'केही' गर्ने । सारा शरीर हलुको भयो । करिब २५ मिनेट बसेँ होला म । त्यस्पछी ट्वाइलेट फ्लस गरेँ अनी निस्केँ ।

डलर...

'अनी कैले आउछस् यार नेपाल?'उताबाट मित्रले सोध्यो । 'देशको लागि नि केही गर्नु पर्‍यो नि । कती डलरमात्र छाप्छस् !' आजकाल म यस्तो 'कैले आउँछस्?' प्रश्नहरुको जवाफमा मुस्कुराइ मात्र दिन्छु । आज पनि फिस्स हाँसे । 'अनी तेरो केहुँदैछ सुना,' मैले सोधेँ ।

'के हुनु यार यस्तै छ,' उस्लेअली निरास हुँदै भन्यो । 'अघिल्लो बर्ष रिजेक्ट भयो, अब टुरिस्ट् भिसा एप्लाई गर्दैछु।' 

मनै त हो..

झरना, खोला, कन्दराको डोबहरु पछ्याउँछ यो

मनै त हो कैले खुशी कैले चोट बल्झाउँछ यो

बाहिर बादल लाग्दा पनि भित्र शितल मनै त हो

हँसाइदिन्छ, रुवाइदिन्छ के के मात्र गराउँछ यो ।।

एकछिन खाली बस्दैन यो बालख हो, नानी हो यो

मनै त हो कैले ढुङ्गो, कैले तरल पानी हो यो

बैगुनीलाई गुनले मार्ने फराकिलो मनै त हो

माया लाउँछ, मन पराउँछ- राजा हो यो रानी हो यो ।।

.... खुर्पाको बिँड (लघुकथा)

एकादेशमा एक देश थियो । त्यो देशका बासिन्दाहरुको मुल पेशा भनेकै दुध ब्यवसाय थियो । दुध त भन्नुहुन्छ कती हो कती ! केटाकेटीहरु छुर्पीको मट्याङ्ग्रा बनाएर ग्याटिसले भगेँरा, ढुकुर ताक्थे । त्यती धेरै दुध भएको देशमा एउटा 'दुध पोखरी' बनाउने दुध देशका सम्राठले घोषणा गर्छन् । ठुलो खाल्डो खनिन्छ । हरेक घरले एक मानो दुध दान गरेर खाल्डो भर्ने निर्णय हुन्छ । उचित साइत जुराएर रातभरी दुध भर्ने अनी बिहान 'दुध पोखरी' उध्घाटन गर्ने कार्यक्रम बन्छ । सो पोखरी उध्घाटनको लागि बिभिन्न देशका प्रतिनिधि, पर्यटक आदी भेला हुन थाल्छन् । अन्तराष्ट्रिय समुदाय - टिभी, रेडियो, पत्रपत्रीका - जम्मैका आँखा 'दुध देश' मा केन्द्रित हुन्छ । 

दुध देशको राजधानी 'चिल्लोचाप्लो' मा प्राय बस्नेहरु प्राय 'लठ्ठक', 'चुइँया', 'दोजिब्रे', 'स्वाँठ' आदी थर गरेका धेरै अघी देखी बस्दै आएका हुन् । दुध भर्ने दिनको एक दिन अघी एक हुनेखाने परिवारका 'लठ्ठक' दम्पती, हरी लठ्ठक र  बुढी लठ्ठकले सल्लाह गर्छन् - दुधको सट्टा पानी हालिदिने ! अरुले हालेको दुधमा त्यो जाबो एक मानो पानी त बिलाईहाल्छ नि !
उध्घाटनको बिहान सम्राठ पोखरी पुग्छन् । पोखरी आधा भरिएको हुन्छ, पानीले । मात्र पानीले । 

इतिश्री!

- सुरेश 'समान'

बत्तीकिरो जीवन !

मैनबत्ती नाँच्द थियो

दिप ज्योति लहलह  

झोंका पवन चन्चलिए

दिपशिखा कठैबर !

भानु शिर टन्टलिए

भुरा खेल्थे दहदह

छिनमै बादल गड्गडाए

मौसमको के भर !

निमेश एक हेरीदिए

मनमुकुन्द महमह

योवन, यो मन धङ्धङ्याँउछ

बत्तीकिरो जीवन !

- सुरेश 'समान'

बा को छोरो म..

लैनु गाईको दुध, घिउ खा'को छोरो म

कैले काख, कैले काँध पा'को छोरो म…

आमा मेरा पोल खोल्थिन, लुक्न खोज्थेँ म

उल्टै आमा सम्झाइदिने बा को छोरो म

कैले काख, कैले काँध पा'को छोरो म ।।  

झोला बोकी स्कुल पढ्न गा'को छोरो म

सफा जुत्ता, टाइ, ड्रेस ला'को छोरो म

एक काँधमा हलो बोक्थे, मलाई किताब भारी

अर्को काँधमा मलाई बोक्ने बा को छोरो म

कैले काख, कैले काँध पा'को छोरो म ।।