मैले विवाह गरिसकेँ...

उनी हिंड्ने बाटोमा

फुल, माला छरिसकेँ

खाली उस्को सिउँदो थियो

मैले सिन्दूर भरीसकेँ

भो अब नखोज्नोस केटी आमा

मैले विवाह गरिसकेँ ।।

सोध्नेहरु सोध्दै गर्छन्

मैले त सुन्नै छाडिसकेँ

बिशाल डुंगा सागरमा थियो  

मायालु सङ्गै तारिसकेँ  

भो अब नडाक्नोस लमी आमा

मैले विवाह गरिसकेँ ।।

झटारो - एसएलसीको

पछील्ला केही समाचारहरु:

“एसएलसीमा आधाभन्दा बढी फेल”, “एसएलसी परिणाम : दुई खर्ब लगानी, बालुवामा पानी”, “एसएलसीमा फेल भएपछि आत्महत्या”, “एसएलसी ओरालै ओरालो”............

शिक्षामा राजनीति भित्रिए पछी यस्तै हुन्छ । राजनीतिमा शिक्षाको आवश्यकता छ, उल्टो होइन । ९ अर्बको सरकारी खर्च र चार वर्षको समय व्यर्थमा खर्च गरेर २०६९ जेठ १५ को मध्यरातपछि संविधानसभा १०० % फेल भयो । आज ५२.८४ प्रतिशत विद्यार्थी ‘फेल’ भए पढ्दा दु:खलाग्छ । यो 'फेल' भन्ने शब्द शिक्षामा किन प्रयोग गरिन्छ? फेल त ६०१ सभासद भा'का हुन । फेल त ति आडम्बरी नेताहरु भा'का हुन । जनताको सपनाको खेती गर्ने, बन्द, जुलुस, तोडफोड गर्ने ति सारा पाखण्डीहरु फेल भएका हुन । विद्यार्थी कहिलै फेल हुँदैन । मनै कटक्क हुन्छ यो 'फेल' शब्द सुन्दा । 'you failed' भनेर घाऊमा नुनचुक किन छर्किने ? "एसएलसीमा फेल भएपछि आत्महत्या" जस्ता अत्यन्त मार्मिक खबर सुन्न नपरोस । मेरो शुभकामना सम्पूर्ण १० कक्षासम्म पुगेर एसएलसी दिनुभएकाहरुलाई । कक्षा १० सम्म पुग्ने तपाईं विद्यार्थीहरु आजका धेरै नेताहरु भन्दा सिक्षित हुनुभयो । अर्को बर्ष अझ मेहेनत गर्नु होला ।

श्वासनी - लोग्ने

गुजुमुज्ज, गजधम्म, लट्टाधारी, छरपस्ट

फोटा अगाडि

ढसमस्स, थ्याच्च, मनसान्त, आँखा चिम्म

श्वासनी बस्छे अनी भन्छे - "बुद्धी दिनोस, मेरो लोग्नेलाई, बुद्धी दिनोस हे भोलेनाथ !"

बेमत्लबी, बेवकुफ, बेसुरा, बेवफाको

बेवास्तालाई सम्झिदै

जर्याक्जुरुक, फर्याक्फुरुक, रौसिएर, हौसिएर

श्वासनी रुन्छे अनी भन्छे - "लैजाउ प्रभु तिमी सँगै, पुग्यो बाँच्न जगतमा"

छोट्करी !!

म बिलाएको छैन म जिउँदै छु
पर्ख, बिस्तारै उठौला म पिउदैछु
जती हाँस्छौ हाँस आज यो रात बाँकी छँदै
हाँसोले नै म पनि उध्रिएको मन सिउँदौछु ।।

त्यएसै घाइते मेरो मनमा, छर्किदीइन नुन
अब ! भुत्रो जस्तो लाग्छन तारा, भुत्रै देख्छु जुन
जती नाच्छौ नाँच आज यो रात बाँकी छँदै
भोली उठ्छु, मुख धुन्छु, लेख्छु नयाँ धुन ।।

३ द्रिष्य

राती १० बजे !
________
द्रिष्य १ : एक अत्यन्त साधारण र साङुरो, अध्यारो कोठा
मौसम : बेतोड जाडो

रमेश झ्यालबाट बाहिर हेर्दै टोलाइ रहेको छ । बिक्रम एक कुनामा मुडामा बसेर फाटेको पाइन्ट सिलाउँदैछ ।
रमेश : ए बिक्कु, यदी तँ अहिलेको १०:३० बजे देखी भोली बिहानको १०:३० सम्म नाङगै, कट्टुमात्र लाएर बाहिर बसिस भने तलाई कसैले १० करोड दिन्छु भन्यो रे भने के गर्छस ? बस्छस यो जाडोमा बाहिर ?
बिक्रम : वाइहात ! तँ बस्छस ?
रमेश : साले मैले तलाँइ सोधेको पहिला, त भन्न के गर्छस ?
बिक्रमको आँखा सियोको टुप्पोमा गएर अढिन्छ । रमेशको जिज्ञासु आँखाले बिक्रमलाई हेर्दैछ ।
-x-x-x-x-x-x-x-x-x—
द्रिष्य २ : ठुलो भरिभराउ कोठा, ठुला झ्याल । भित्ताभरी सल्मान खानको बडा बडा पोस्टर ।
मौसम : बेतोड जाडो

सिम्रन र सुबाश सिरक भित्र गुटुमुटु बसेर ल्याप्टपमा 'तेरे नाम' हेर्दैछन । छेउमा चियाको २ गिलासबाट बाफ फैलिदैछ ।
सुबाश : यदी अहिले सल्मान खान हाम्रो घरमा आयो र 'म तिमीबिना बाँच्न सक्दिन सिम्रन, तिमीलाई माहारानी बनाएर राख्छु, Please म सँग बिहे गर' भन्यो भने तिमी के गर्छौ ?
सिम्रन : मेरो सल्मान त तिमी नै हौ नि प्रिय ।
सुबाश : साच्ची भनेको मैले, भनन के गर्छौ? सुबाश कि सम्लान ?
सिम्रनको आँखा छतमा गएर अडिए । सुबाशको आँखा सिम्रनमा ।
--x-x-x-x-x-x-x-x--

बाटो

थिगिरी थिगिरी हिंड्ने बाटोमा

आज गोली चल्छन रे

घुगुती खेलाउने पाउ आज

खै किन हो छिट्टै गल्छन रे

मैले धेरै छुटाँए

कि म बाट धेरै छुट्टीए ?

आस दियो बल्ने ठाँउमा

आज राँको पो बल्छन रे !!