नरमाईलो लागिरा छ। निद्रामा कती खेर अलार्म बन्द गरेर फेरी सुतेछु, पत्तो भएन। म आधा निद्रामानै छु।
ट्याम्फुको झर्को लाग्दो पट पट पट, ट्याक, ट्याक, बाल्कुमारी, ग्वार्को, सात दोबाटो, लगनखेल, लगनखेल,,,,,'ल हिंड्यो, हिंड्यो,,,ए दाई यता यता, सिट खाली, सिट खाली,,' खलासी कराइराको छ। त्यतिकैमा एक जना मिन पचासकी जस्ती देखिने आईमाईले 'ए भाई! यो पाटन होस्पिटल जान्छ?' भनेर खलासिलाई सोधिन। 'ए ल बस्नुस् म तपाईंलाई होस्पिटल भित्रै पुर्याइ दिन्छु' खलासिले जवाफ फर्कायो। मलाई त्यो खलासिको हाउभाउ पटक्ककै मन परेको छैन। हुन त उस्को कामै प्यासेन्जर बोलाउने,जती मान्छे खांदे पनि 'सिट खाली, सिट खाली' भन्नु नै हो। एक फेर हप्काउन त मन थियो तर चुपै लागे। एउटा ट्राफिक सिट्ठी बजाउदैं ट्याम्फुतिर आउँदै गरेको देखेर हो कि के हो, ड्राइभर ले 'ल भाई जाम' भनेर हुइंकायो। म ढोकाकै छेउमा बसेको छु र ति आईमाई मेरो ठ्याकै सामुन्नेमा छिन। लामो सलक्क परेको कपाल, भर्खर नुहाएर कपाल स्ट्रेट गरेको जस्तो, २-४ दिन अगाडि रातो पनि लाएको हुनु पर्छ;ओठमा कलेजी लिप्स्टिक, गालपनी ह्रीस्ट पुस्ट, मोटो तिलहरी-छड्के पारेर लाएको, कानमा टुप्लुक्क टुप्लुक्क दुइटा मोतीको डल्लो जस्तो-मोती नै त होल! नि, सफा भर्खर गोद्रेजबाट निकालेर लाएको जस्तो फुल्बुट्टे साडी, साडिको कलरसँग मिल्ने गुलाबी चोलो, हातभरी रङिबिरङी चुरा, सिको घडी, लाग्छ ति कुनै खान्दानी घरकी गृहणी हुन र कुनै भोजमा गइरा छिन। अली 'मोड्रन' बुढी रइछझैं लाग्यो। नचाहंदा नचाहंदै पनि सबै यात्रुहरुलाई उस्ले आफुमा केन्द्रित गरिरकी छिन। सबैको मनमा पक्कै पनि केही न केही कुरा खेली रहेको अनुमान गर्न सकिन्छ। खलासी फेरी करायो 'बाल्कुमारी, ग्वार्को, सात दोबाटो, लगनखेल, लगनखेल।'ट्याम्फु ग्वार्कोमा पुग्यो, दुइजना ओर्लिये। त्यतिकैमा फोनको घन्टी बज्न थालयो, सबैको ध्यान फेरी तिनै आईमाई तिर। उनले आफो हाते पर्सबाट हत्तनपत्त फोन निकलिन र देब्रे हातले फोन उठाउंदै भनिन:
"हेल्लो हेल्लो
------------
अं भन , सुन्दै छु,
----------------
म ट्याम्फुमा छु नि, ड्याडी बिहानै कता लाग्नु भयो, अनी यै ट्याम्फु भा नि चडेर आउन लग्या
-------------------
अनी देखाएउ त डाक्टरलाई ?
----------------------
फेरी देखाउनु पर्छ भनेको हैन?
----------------------
ए ए उसो भा देखाको? के रइछ था भो?
---------------------
अँ अँ
--------------------
हँ ?
----------------------
के भन्छ? अल्ट्रा साउन्डमा देखाको रे?
----------------------
ए त्यइत म त ,,,,,,,, ए उसो भये छोरी? छोरो हुनु पर्ने त पुरेतबाले भने अनुसार? सबै बिधी पनि पुर्याकै हो,,
---------------------
ए लौ उसो भा, ठिकै छ, पहिलो बच्चा, जे भये नि के भो र तलाई नि छोरी मन पर्ने, अब के गर्नु बदल्न नमिल्ने।
-----------------------
लौ लौ जेठिकीले पनि छोरी जन्माउन सकिन,, अब तेरो पनि,,
---------------------
ल ल राखेँ।“
अघी सम्मा काँक्रोको चिरा जस्ती रसिली देखिने ति बुढी, ऐले अस्ताउन लगेको घाम जस्ती राती भइन।
'ल पाटन होस्पिटल आयो' खलासी चिह्यायो। ' ए जाउलाखेल, पुल्चोक, कुपोन्डोल, माइतिघर, ल गयो गयो.....' पाटन होस्पिटलमा कोही पनि उत्रेनन। ति आईमाई घोसे मुन्टो लाएर फोन खेलाउँदै छिन। म कुमारीपाटिमा उत्रिये। ट्याम्फु धुँवा छोड्दै दौडियो।
---------------------->>>>>>>>>>>>------------------->>>>>>>>>>>>>>------------------------->>>>
कसैको वास्तवीक जीवनमा मेल खान गयेमा जाओस।
एस एन
